۱. د مدیریت لپاره د ظرفیت پروګرام:
د مدیریت لپاره د ظرفیت پروګرام چې موخه یې په لنډ مهاله توګه په وزارتونو کې د مشاورینو په ګمارلو سره د ډونرانو له خوا د مدیریت لپاره د ظرفیت د مشورتي همکاریو را مینځته کول دي، د افغانستا لپاره د امانت صندوق له خوا تمویل کیږي. د دې کار څخه موخه د بسپنه ورکوونکو  سرچینوو څخه په سمه توګه کار آخیستنه او په عملي ډګر کې د ښو او چټکو لاسته راوړنو او نتیجو ته رسیدل دي. دا پروګرام په لند مهاله توګه هغه د حل لاره ده چې په دې سره کوولای شو سم د لاسه هغه د ظرفیت په وړاندې خنډونه چې افغانستان ورسره په مختلفو برخو کې لاس او ګریوان دی، او هم د ملګرو ملتونو او بسپنه ورکونکو له خوا د هغوی د غوښتونو په وړاندې چې غواړي د افغانستان له حکومتي سیستم څخه بهر خپلې پروژې عملي او ماهرو کارکونکو ته تنخاګانې ورکړي، مثبت ځواب ووایي. ددغه پروګرام له لارې وزارتونه کوولای شي په اجرايویي دندو کې ماهرین وګماري تر څو وکولای شي په ټولو معیارونو ولاړه یوه اداره ولري.

۱.۱: موخه 
د دغه پروګرام څخه موخه په دولتي ادارو لکه مالي مدیریت، د پالیسي او استراتیژي د طرحې، د بشري سرچینو مدیریت، او ادري برخو کې  د ظرفیتونو لوړوالی او د پام وړ لاسته راوړنې دي. د دې کار څخه موخه د بسپنه ورکوونکو  سرچینوو څخه په سمه توګه کار آخیستنه او په عملي ډګر کې د ښو او چټکو لاسته راوړنو او نتیجو ته رسیدل دي.

۱.۲:  مالي سرچینه او تهدات
د مدیریت لپاره د ظرفیت پروګرام د ۳۰ میلیونو امریکایی ډالرو پروژه ده چې اوسمهال ۱۰ میلیونه امریکایي ډالره یې د افغانستان لپاره د امانت صندوق (ARTF) له خوا ورکول کیږي. نوموړی پروګرام په ۲۰۰۷ میلادي کال کې پیل او د جون میاښتې تر۲۰۱۰ پورې به دوام ومومي.

۱.۳: د پروګرام د تطبیق پروسه
د مدیریت لپاره د ظرفیت پروګرام د ظرفیتونو د لوړوالي ریاست له خوا تطبیق کیږي. د ظرفیتونو د لوړوالي ریاست د اداري اصلاحاتو او ملکي خدمتونو خپلواک کمیسیون د مشرتابه تر مستقیمې لارښونې عمل کوي او له پروګرام څخه د ښو لاسته راوړنو، د حساب ورکولو د ښه سیستم او د پروګرام د منظم او ښه په برمخ بیولو کې مسؤلیت لري. د ظرفیتونو د لوړوالي ریاست د کارکونکو تنخاګانې د ملکي خدمتونو د مدیریت دڅانګې له خوا نه ورکول کیږي، بلکې د پروګرا م د مدیریت د څانکې له خوا ترسره کیږي. 
د ظرفیتونو د لوړوالي ریاست او د اداري اصلاحاتو او ملکي خدمتونو خپلواک کمیسیون مشرتابه په دومداره توګه د پروګرام، د کلني کار لاسته راوړنې او پرمختګ او هم د بودجې به هکله معلومات د ملکي خدمتونو د اصلاحاتو نظارت کمیټې ته وړاندې کوي. د ملکي خدمتونو د اصلاحاتو نظارت ګمیته خپل ریپوت د هغه لاسته راوړل شویو معلوماتو په اساس خپل معلومات په کال کې یو ځل کابینې او د اداري اصلاحاتو او ملکي خدمتونو د خپلواک کمیسیون اجرایؤیي ګمیتې ته وړاندې کوي. د کالنۍ بودجې په هکله په خبرو اترو کې، په وزاتونو کې د متخصیصینو دګمارلو په هکله د خاص تخصیص په هکله هم خبرې اترې ترسره کیږي.
په وزارتونو او نورو حکومتي ادارو کې د مدیریت  لپاره د ظرفیت د خدمتونو په برابرولو او عملي کولو کې، ځانګړې کړنلاره په پام کې نیول شوې ده چې په لاندې ډول ډه:
هر وزارت د خپل ضرورت په پام کې نیولو سره هغه دندې ته چې د هغه مدیریت ته د اداري اصلاحاتو اړتیا لیدل کیږي، خپل غوښتنلیک د ظرفیتونو د لوړوالي ریاست ته سپاري تر څو دغه ریاست د حکومت د ادراي اصلاحاتو د پروګرام په پام کې نیولو سره مناسب شخص هغه وزارت ته معرفي کړي.

۱.۴ اهداف
 د مدیریت لپاره د ظرفیت پروګرام په پام کې لري ترڅو د حکومت په تشکیل په لوړو او نیمه لوړو (۱،۲ او ۳) بستونو کې، ۲۴۰ دندې اعلان کړي چې په هغه کې په ولایتونو کې حکومتي ادارو ته لومړیتوب په پام کې نیول شوی دی.