د بهرنيو چارو وزير ښاغلي ډاکتر رنګين اسپنتا سره مرکه په هيواد کې درى لسيزې جګړې د دې لامل شوې تر څو د افغانستان ډيرى تجربې لرونکي کادرونه نورو هيوادونو ته مهاجر شي. په دې ترتيب سره، په دولتي ادارو کې د ظرفيت نشتوالى، په خاصه توګه هغه د تجر بې او تحصيل خاوندان چې د معاصرې ټکنالوجي سره بلتيا لري، د افغانستان د دولت يو له اساسي ستنزو څخه شميرل کيږي.  د مؤقتې اداره له جوړيدو څخه وروسته، په بيلا بيلو اړخونو کې د ظرفيتونو د ستنزو د حل په موخه له هيواد څخه بهر د ميشتو افغانانو د استخدام د پروګرام  له لارې د افغانستان د دولت او د نړيوالې ټولنې پروګرام يو ډير مناسب پروګرام وه. د دغه پروګرام له لارې، په دولتي ادارو کې د هغو افغانانو د جذب زمينه برابره شوه چې په پهرنيو مؤسساتو کې يې دندې ترسره کولې. د دغه ستونزې د حل لپاره، له نيکه مرغه هغه تجربه

لرونکي او په شرايطو برابر افغانان چې په بهرنيو هيوادونو کې ميشت وو او له ښو امتيازاتو لرونکي وو، د ظرفيتونو د خلاء د ډکولو لپاره هيواد ته را وبلل شول. د مثال په ډول، په جمهوري رياست کې زما په شمول دوه کسان نور چې خپلې زده کړې او تحصيلات يې له بهر څخه لاسته راوړي وو، وموغوښتل ترڅو له هيواد څخه بهر د ميشتو افغانانو د استخدام د پروګرام له لارې يې د افغانستان وګړو ته ترسره کړو. که چيرې مونږ د بهرنيو چارو وزارت له دوو اړخونو څخه وګورو، جوته به شي چې يو وزارت د مدرن اړخ له نظره نه يوازې د سياسي مديريت او د ښه پاليسي جوړښت ته ضرورت لري بلکې د هغه تطبيق ته هم اړتيا ليدل کيږي. له دې نه په نتيجې سره داسې معلوميږي چې له هيواد څخه بهر د ميشتو افغانانو د استخدام پروګرام او هم د نړيوالې ټولنې له نورو پروګرامونو له لارې د افغان متخصصينو استخدامول د عامه خدمتونو په بيلابيلو برخو کې د ظرفيتونو د لوړوالي لپاره ډيره مثبتې  نتيجې او ښه پايلې لري. د بهرنيو چارو وزارت يوازنۍ وزارت دى چې يوازې يو تن بهرنى سلاکار لري چې دا په خپله د کړنو د کاميابي بيلګه ده.  د افغانستان دولت د ظرفيت لپاره د مديريت له نوي پروګرام څخه چې د ظرفيتونو او تجربو د انتقال ډيره ښه او مؤثر لاره ده، هر کلى کوي. نوموړى پروګرام د جانبي شموليت او له بهر څخه د ميشتو افغانانو د استخدام له پروګرامونو وروسته د افغانستان د دولت لپاره د ظرفيتونو او تجربو دوام مساعد وي.